Упис на ученици во прво одделение 4/29/21

ООУ„Кирил Пејчиновиќ“-Кисела Вода, Скопје

ИЗВЕСТУВАЊЕ за упис во прво одделение во учебна 2021-2022 година

Почитувани родители,

Врз основа на член 60 од Законот за основното образование, ООУ „Кирил Пејчиновиќ“- Кисела Вода, Скопје Ве известува дека во текот на месец мај ќе започне со упис на деца во прво одделение за учебната 2021-2022 година.

Право на запишување на деца во прво одделение имаат:

Деца родени во текот на 2015 година кои до крајот на календарската година ќе наполнат шест (6) години.
Деца родени до 31.01.2016 година, по претходно барање од родител и добиено мислење од стручни соработници во училиштето.

Потребни документи за упис во прво одделение:

Извод од матична книга на родените
Потврда за примените задолжителни вакцини за детето издадена од надлежна здравствена установа
Потврда за офтамолошки преглед издадена од надлежна здравствена установа
Потврда за стоматолошки преглед издадена од надлежна здравствена установа

При запишувањето на детето со попреченост во прво одделение родителот/старателот е должен да достави и мислење/функционален профил од комисијата за проценка на деца и младинци за дополнителна образовна, социјална и здравствена поддршка според МКФ.

Поднесувањето на документите може да биде:

електронски преку www.uslugi.gov.mk или
со физичко присуство.

Време и место:

уписот трае во месец мај, од 9:00-13:00 часот во просториите на училиштето.

Интервјуто со ученикот ќе се реализира со физичко присуство, со претходно закажување на термин, согласно Протоколот за работа во услови на Ковид 19. контакт телефон: 078/ 354-541

(комисија за упис во прво одделение)
Упис во прво одделение

Директор

м-р Борче Миревски