Натпревари во областа искористување на ОИЕ и транзиција кон одржлив развој – проект TRANSIT (Природни науки) Одржан на 3/19/25
Во рамки на проектот TRANSIT, во кој учествуваа Универзитетот „Св. Кирил и Методиј“ во Скопје, Факултетот за електротехника и информациски технологии и ЕВН Македонија, беа организирани натпревари поврзани со искористување на енергија од обновливи извори и транзиција кон одржлив развој во три категории:
- Најдобар детски цртеж за деца од основни училишта (7 – 11 години);
- Најдобар магистерски труд;
- Претпријатие/стопанско здружение кое дало најголем придонес кон одржливоста и искористувањето на обновливи извори на енергија.
На 19.03.2025 година се одржа состанок на комисијата за доделување на наградите на проектот TRANSIT, составена од учесници во проектот. Добитници на наградите беа:
Најдобар детски цртеж
Добитник на наградата (1. место) беше ученикот Лука Вељановски,ментор Викторија Георгиевска Младеноска од ООУ „Кирил Пејчиновиќ“ – Скопје. Најдобриот цртеж на тема искористување обновливи извори на енергија/одржливост беше награден на државно ниво со TRANSIT трофеј, парична награда од 300 евра за институцијата и соодветен подарок за детето. Победникот на државно ниво стана дел од натпреварување на европско/меѓународно ниво. Меѓународните награди вклучуваа трофеј и парична награда од 1000 евра за институцијата и подарок за детето.
Најдобар магистерски труд
Добитник на наградата беше м-р Александар Чавлески.
Натпревар за претпријатија/стопански здруженија
Добитник на наградата беше Македонското здружение за енергија од обновливи извори (МАРЕС).
